14 студзеня 2025 года ў МДЭІ імя А.Д.Сахарава БДУ адбылася
чарговая тэматычная вечарына з серыі «Мінская гасцёўня» – «Кола
зімовых святаў». Гэта была ўжо шостая сустрэча, прысвечаная
народным традыцыям святкавання Новага года ў розных краінах.
З прывітальным словам да слухачоў звярнуўся дырэктар Інстытута
Алег Іванавіч Родзькін, які пажадаў ўсім поспехаў у навучанні і добрага
настрою, а таксама выказаў надзею, што слухачы факультэта
працягнуць навучанне ў МДЭІ імя А.Д.Сахарава БДУ ў якасці
студэнтаў. Да віншаванняў далучыліся таксама намеснік дырэктара
Інстытута Уладзіслаў Уладзіміравіч Жураўкоў, дэкан ФПКіП Уладзімір
Станіслававіч Пуцік,
Куратары, выкладчыкі, слухачы і супрацоўнікі факультэта павышэння
кваліфікацыі і перападрыхтоўкі і кафедры дадатковай адукацыі
пазнаёмілі замежных слухачоў з асаблівасцямі святкавання Калядаў і
Новага года ў Беларусі, распавялі пра іх гістарычныя вытокі,
праспявалі калядныя песні, пазнаёмілі з традыцыйным абрадам
калядавання. У сваю чаргу, удзельнікі сустрэчы – замежныя
навучэнцы з Уганды, Каморскіх Астравоў, Ірана, Ганы, Туркменістана,
Гвінеі і іншых краін – падзяліліся інфармацыяй аб тым, як зімовыя
святы адзначаюцца ў іх родных мясцінах. Выступы суправаджаліся
яскравымі прэзентацыямі, а аўтарам кіраўніцтва факультэта ўручыла
карысныя падарункі і прафарыентацыйныя матэрыялы.
Госці адзначылі, што такія сустрэчы спрыяюць пашырэнню не толькі
сяброўства і ўзаемаразумення, але і станоўчага іміджу інстытута і
Беларусі ў цэлым.
Са Старым Новым годам і да новых сустрэч у “Мінскай гасцёўні”!